ଲକ୍ଷ୍ନୌ: କାର୍ – ଡମ୍ଫର ଧକ୍କାରେ ଜୀଅନ୍ତା ଜଳିଗଲେ ୮ ଯାତ୍ରୀ। ଉତ୍ତର ପ୍ରଦେଶର ବରେଲିରେ ଶନିବାର ବିଳମ୍ବିତ ରାତିରେ କାର୍ ଏବଂ ଡମ୍ଫର ଧକ୍କା ଯୋଗୁଁ ଜଣେ ଶିଶୁ ସହ ୮ ଜଣ ଲୋକ ପ୍ରାଣ ହରାଇଛନ୍ତି। ରାସ୍ତା କଡ଼ରେ ଛିଡ଼ା ହୋଇଥିବା ଡମ୍ଫରକୁ ପଛପଟୁ ଧକ୍କା ଦେଇଥିଲା କାର୍। ଏହାପରେ କାରରେ ନିଆଁ ଲାଗିଯାଇଥିଲା। କାର୍ ସେଣ୍ଟ୍ରାଲ ଲକ୍ ହୋଇଯାଇଥିବାରୁ ଦୁର୍ଘଟଣା ପରେ କାର୍ ଭିତରେ ଥିବା ଯାତ୍ରୀ ବାହାରକୁ ଆସିପାରିନଥିଲେ ଏବଂ ଜୀଅନ୍ତା ଜଳି ଯାଇଥିଲେ। ସୂଚନା ମୁତାବକ କାର୍ ବିପରୀତ ଲେନରେ ଯାଇ ଡମ୍ଫର ସହ ଧକ୍କା ହୋଇଥିଲା। ଭୋଜିପୁରା ନିକଟ ରାଜପଥରେ ଏହି ଦୁର୍ଘଟଣା ଘଟିଥିଲା। କାରଟି ଡମ୍ଫର ସହ ଧକ୍କା ହେବା ପରେ ଜଳି ଯାଇଥିଲା। ପୁଲିସ କହିଛି ଯେ କାରରେ ଥିବା ଯାତ୍ରୀ ଏକ ବିବାହ ଉତ୍ସବରେ ଯୋଗଦେବାକୁ ଯାଉଥିଲେ।
