ନୂଆଦିଲ୍ଲୀ: ଗାଧୋଇବାକୁ ଅଳସୁଆ ଲାଗୁଛି କି? ଅନେକଙ୍କ ପାଇଁ ଗାଧୋଇବା ଏକ ବଡ଼ କଷ୍ଟକର କାମ ହୋଇଥାଏ। ତେବେ, ଯେଉଁମାନଙ୍କୁ ଗାଧୋଇବା ଏକ କଷ୍ଟ କାମ ହୋଇଥାଏ ସେମାନଙ୍କ ପାଇଁ ଏକ ଖୁସି ଖବର। ଏଣିକି ଗାଧୋଇବାକୁ ଲୋକଙ୍କୁ ଆଉ ପରିଶ୍ରମ କରିବାକୁ ପଡ଼ିବ ନାହିଁ। ପାଣି ମାର, ସାବୁନ ଦ୍ବାରା ଶରୀରକୁ ସଫା କର, ଘଷିମାଜି ହୁଅ, ପୁଣି ଶୁଖିଲା କପଡ଼ାରେ ପୋଛିହୁଅ ଇତ୍ୟାଦି ଇତ୍ୟାଦି ପ୍ରୋସେସରୁ ଏବେ ମୁକ୍ତି ମିଳିବ। ସିଧା ମେସିନ୍ ଭିତରକୁ ପଶିବ ଆଉ ବାହାରିବ, ଗାଧୁଆ ଶେଷ। ଏମିତି ଏକ ନୂଆ ମେସିନର ଆବିଷ୍କାର କରିଛନ୍ତି ଜାପାନୀ ବୈଜ୍ଞାନିକ। ଜାପାନୀ ଇଞ୍ଜିନିୟରମାନେ ଏକ ଏଆଇ ଚାଳିତ “ମାନବ ୱାଶିଂ ମେସିନ୍” ଉଦ୍ଭାବନ କରିଛନ୍ତି, ଯାହାକି ୧୫ ମିନିଟ୍ ମଧ୍ୟରେ ମଣିଷଙ୍କୁ ଗାଧୋଇ ଦେବା ସହିତ ଶୁଖାଇ ମଧ୍ୟ ଦେବ। ଏହି ମେସିନ୍ ଟିର ନାଁ ‘ମିରାଇ ନିଙ୍ଗେନ୍ ସେଣ୍ଟାକୁକ୍‘ ରଖାଯାଇଛି। ଯାହା ଏକ ସ୍ପା’ ପରି ଅନୁଭୂତି ପ୍ରଦାନ କରେ। ଯେଉଁଥିରେ ଶରୀର ସଫା କରିବା ପାଇଁ ଉନ୍ନତ ଜେଟ୍ ସ୍ପ୍ରେ’ ଏବଂ ମାଇକ୍ରୋସ୍କୋପିକ୍ ଏୟାର ବବଲ୍ସ ରହିଛି। ଏଇ ସିଷ୍ଟମ ବ୍ୟବହାରକାରୀଙ୍କ ଚର୍ମର ପ୍ରକାର ଏବଂ ଶାରୀରିକ ମେଟ୍ରିକ ଉପରେ ଆଧାର କରି ଧୋଇବା ପ୍ରୋସେସକୁ ପୁରା ଶାନ୍ତିଦାୟକ ଏବଂ ବ୍ୟକ୍ତିଗତ କରିଥାଏ। ଏହି ପ୍ରକ୍ରିୟା ସମୟରେ କାମ୍ ଭିଜୁଆଲ ମଧ୍ୟ ଅନୁଭୂତି ହେଉଥିବା ବୋଲି ଜାପାନର ଜଣେ ଅନୁଭବି ରିପୋର୍ଟରେ ପ୍ରକାଶ କରିଛନ୍ତି।
ସାଇନ୍ସ କୋ’ ଦ୍ୱାରା ବିକଶିତ ହୋଇଥିବା “ମିରାଇ ନିଙ୍ଗେନ୍ ସେଣ୍ଟାକୁକି” ଭବିଷ୍ୟତର ମାନବ ୱାଶିଂ ମେସିନ୍ ଭାବରେ ଅନୁବାଦିତ ଆଧୁନିକ ଇଞ୍ଜିନିୟରିଂର ଏକ ଚମତ୍କାର। ଯାହା ମାତ୍ର ୧୫ ମିନିଟରେ ଏକ ହାଲୁକା ଉପକରଣ ଦ୍ଵାରା ମାଇକ୍ରୋ ବବଲରେ ଭର୍ତ୍ତି ହୋଇ ହାଇ ସ୍ପିଡ୍ ଜେଟ୍ ବ୍ୟବହାର କରି ଜଣେ ବ୍ୟକ୍ତିଙ୍କ ଶରୀରକୁ ଧୋଇ ଶୁଖାଇପାରେ। ଏହି ବବଲ୍ ଗୁଡିକ, କ୍ଷୁଦ୍ର ହୋଇଥିଲେ ମଧ୍ୟ ଶକ୍ତିଶାଳୀ। ଯାହା ଚର୍ମର ପୃଷ୍ଠାରେ ପ୍ରବେଶ କରି ପ୍ରବେଶ କରି ଅତି ସହଜରେ ଶରୀରରୁ ଅପରିଷ୍କାରତା ଦୂର କରେ। ୧୯୭୦ ଦଶକରେ ସାନିୟୋ ଇଲେକ୍ଟ୍ରିକଙ୍କ ଦ୍ଵାରା ତିଆରି ହୋଇଥିବା ମଡେଲରୁ ଅନୁପ୍ରାଣିତ ହୋଇ ଏହି ଆଧୁନିକୀକରଣ ସଂସ୍କରଣ ଓସାକା ଏକ୍ସପୋ ୨୦୨୫ରେ ଡେବ୍ୟୁ ହେବାକୁ ଯାଉଛି। ଯେଉଁଦିନ ପାଖାପାଖି ୧୦୦୦ ଉପସ୍ଥିତ ବ୍ୟକ୍ତି ଏହାକୁ ଅନୁଭବ କରିବାର ସୁଯୋଗ ପାଇବେ। ଏହାର ପ୍ରଥମ ପରୀକ୍ଷଣ ପରେ, ଯନ୍ତ୍ରଟି ବ୍ୟକ୍ତିଗତ ସ୍ୱଚ୍ଛତା ଏବଂ ଆରାମରେ ପରିବର୍ତ୍ତନ ଆଣିବା ସହିତ ବହୁ ଉତ୍ପାଦନରେ ପ୍ରବେଶ କରିବ ବୋଲି ଆଶା କରିଛନ୍ତି ପ୍ରସ୍ତୁତକାରୀ। ଏଥିସହିତ ଏହି ଡିଭାଇସର ଏକ ହୋମ-ୟୁଜ୍ ସଂସ୍କରଣ ବାହାର କରିବାକୁ କମ୍ପାନୀ ଯୋଜନା କରୁଛି। ଯାହା ବାଥ୍ ଟବ୍ କୁ ବିସ୍ଥାପିତ କରିବ।
ଆସିଲା ହ୍ୟୁମାନ୍ ୱାସିଂ ମେସିନ୍: ୧୫ ମିନିଟରେ ମଣିଷକୁ ଗାଧୋଇ ଶୁଖେଇଦେବ!
